Agencies, 20 December: Sunday te protest kori thaka farmers para Shahidi Diwas manaishe. Etu toh farm laws kelaaf protest kori thaka samai mora khan ke saaman koribole nemite manaishe. Burari ground tr farmers toh saman koribole nemite join howa thakise aro tai khan Delhi te march kora thakise. Ekta farmer para kowa, news agency ANI hisaab te, “Desh te farmers toh etu movement samai balidan deya khan ke samaan kori ase”.
Sunday te protests toh 25th din te kusha thakise aro government aro protest kori thaka farmers majote deadlock toh enaka he jai ase. Farmers khan Centre ke kelaaf protest kori thaka toh Farmers’ Produce Trade and Commerce (Promotion and Facilitation) Act, 2020, the Farmers (Empowerment and Protection) Agreement on Price Assurance and Farm Services Act, 2020, aro Essential Commodities (Amendment) Act, 2020 nemite ase.
Jharkhand te be besi farmer groups toh state capital te march kora thakise. Ekta farmer para tai khan protest te support kori ase koise. Tai khan aha toh Delhi te agitation samai 18 farmers mora khan ke saaman debole nemite ahishe koise.
September te tinta farm laws passed howa te government para etu toh agriculture sector te major reforms hobole ase koise. Etu para middlemen hatabo aro farmers para desh laga kondu jaga te hoilebi nejor laga saman free para bekhabo nemite manibo koise.
Hoilebe protest kori thaka farmers para mondukh howa janaishe. Tai khan toh notun laws para Minimum Support Price te safety hatibo aro dangor corporates laga morom te charibo bhabona ase. Hoilebe centre para etu mechanisms toh thakibo par-par koikena ase.
Saturday te Prime Minister Narendra Modi toh Assocham event te kotha kora thakise aro etu event te tai para laws toh farmers laga laab nemite he ase aro tusara nemite nahoi koise. Haryana chief minister Manohar Lal Khattar toh agriculture minister Narendra Singh Tomar ke lok korise aro notun round of talks toh joldi suru hobo pari koise.
Add Comment