Agencies, 07 January: Government logote kotha koribole agae te, thousands farmer khan Thursday te tractor-march toh protest kora jaga Singhu, Tikri aro Ghazipur borders aro Haryana’s Rewasan para loise. Etu toh agriculture laws te kelaaf korikena loise.
Protest kori thaka farm unions hisab te, etu toh rehearsal he ase 26th January tractor parade nemite.
Bharati Kisan Union (Ekta Ugrahan) chief Joginder Singh Ugrahan para march te farmers hisha lowa toh 3,500 opor tractors aro trolleys logote lobo koise. Punjab te ekta sobse dangor farmer organisations laga union Ugrahan para tai khan farm laws nahata tak eku te namanibo koise.
Protest kori thaka unions aro central government majote eighth round laga talks toh Friday te lobole scheduled ase. Last meeting Monday te lowa toh kamiyaab nahoi kena thakise kelay koile farmer groups toh tinta law hataidebole nemite he thaka nemite. Aro etu samai te government para desh laga agriculture sector laga gowth nemite notun acts para besi laab pabole list ola thakise.
Thursday te farmer para tractor march toh 11 am nesana te suru korise aro besi Delhi Police personnel thaka majote Haryana aro Uttar Pradesh para Kundli-Manesar-Palwal Expressway te moved kora thakise.
Ghazipur protest te, tractor march toh senior BKU leader Rakesh Tikait para led kora thakise aro Palwal phali jaa thakise.
Samkyukt Kisan Morcha laga ekta senior member, Abhimanyu Kohar para ahibole din te tai khan para tinta farm laws kelaaf agitation toh gara koribo koise. Haryana para 2,500 nesana tractors toh aji laga march te hisha loise koise. Tai khan toh hosiyar koribole mon ase koise judi government para demand te mananai koile farmer laga protest toh gara koribole nemite.
Tractor march suru kora toh jarta alak alak points– Singhu to Tikri Border, Tikri to Kundli, Ghazipur to Palwal aro Rewasan to Palwal — para thakise koise.
Add Comment