Farmers: June 26 te Governor ghor te protest

New Delhi: Friday din te protest kori thaka farmers khan para junaishe ke, notun tinta(3) Central agri-marketing laws bona beche protest soruh hoikena 7 moina samai poncha maniboli nemite June 26 darik desh pura te governor laga ghor bahar te dharnas organize koriboli ase koishe. Samyukta Kisan Morcha toh 40 farmer unions laga umbrella body ase, etu samai tai khan para koishe ke, June 26 darik te black flags lakaina protest thakibo aro President Ram Nath Kovind logot memorandums thiboli koishe. Samyukta Kisan Morcha laga Farmer leader, Inderjit Singh para press conference te koishe ke, etu din toh as “Kheti Bachao, Loktantra Bachao Diwas (save farming, save democracy day)” maniboli ase. “ami khan para Raj Bhavans te black flags lakaina state sob laga governor oper te President logot memorandum thibo koishe. “June 26 darik toh 1975 saal te Emergency juanai deya din ase aro etu din ami khan protest kora toh 7 moina hobo. Farmers khan ekla nahoikena dictatorship pithor te democratic rights manuh khan logot be hamala korishe, etu undeclared emergency ase,” koikena Mr Singh para janaishe. Hazar farmers khan neshina Punjab, Haryana aro western Uttar Pradesh para Delhi borders te camping kori thaka toh 6 moina oper hoishe, tai khan para tinta(3) notun farm laws oper te kelaaf kori ase koishe. Supreme Court para notun laws bonabo nemite rokaikena ase aro etu samai committee ekta bonaikena issue toh saboli ase koikena ase. Maiki manuh para protest kora bapana te, farmer leader Suman Hooda para koishe ke, Saturday din dak te special committees ekta bonaikena protest kora site te maiki logot dedicated koribo.