London, 7 October : Pakistani actor Fawad Khan Bollywood te aath bosor biche wapas ahise. Fawad laga comeback film naam hoise ‘Abir Gulaal’, aru Bollywood actress Vaani Kapoor ke tai logot eniga romantic comedy film te dekhabo. Film laga shooting September 29 para London te shuru kurise. Ei film Aarti S Bagri pora direct kuribo aru Vivek Aggarwal, Avantika Hari aru Rakesh Sippy pora produce kuribo.
Makers eniga ekta photo share kuri film announce kurise juntu te Fawad Khan aru Vaani Kapoor eklogote dekhai thakise. Reports biswas kuribo hoile, ei film October aru November 2024 mah te UK te shoot kuribo. Makers grand international production banabo nimite laga bisi kaam te ahise. India aru UK laga bhal-bhal artists bhi supporting cast te thakibo. Bollywood laga ekta leading musician already 6 original tracks taiyari kuri dise, jun Bollywood laga famous singers pora gaye dise. Kintu, eta laga details abhi tak share kuri nathakise.
Fawad laga last Bollywood film hoise Ranbir Kapoor laga ‘Ae Dil Hai Mushkil’ juntu 2016 te release hoise. Tai ‘Kapoor and Sons’ (2016) aru ‘Khubsoorat’ (2014) films te kaam kuri dise. Aji tai aath bosor biche India te comeback kuri thakise.
Add Comment