FBI para US Bridge Collapse dey Criminal Investigation khulishey

Washington, 15 April : FBI para ekta criminal probe launch kurishey kuntu para Baltimore dey jaa mahina ekta container ship ekta major road bridge dey crash hua dey target kurishey, collapse kurishey aro six jun laga jaan luishey, US media para Monday dey report kurishey. Washington Post para itu ke ekta “criminal investigation” kuina kuishey, aro tuita unnamed US officials ke cite kurishey ki itu probe para “at least in part” dey sawo juti itu crew para jaani thakishey na nai ki itu ship toh taikhan port charina ulai thakia homoi serious systems problems thakisheh na nai. AFP ke statement dey, Federal Bureau of Investigation kuishey ki policy hisab dey taikhan para investigations ke confirm nahuiley deny nakurey. Huilewi taikhan kuishey ki agents toh Singapore-flagged Dali container ship dey aboard thakishey, kuntu Francis Scott Key Bridge laga wreckage niche dey pinned asey, itu haatsa huina three haafta piche dey. Itu bridge, Baltimore laga sheher aro port pitor dey ekta major transit raasta, March 26 dey seconds pitor dey phangai dishey kitia Dali power harishey aro ekta support column dey drift kurishey.  Itu ship para collision nahua agey dey ekta Mayday call issue kurishey kuntu para police ke bridge dey traffic rukhawo time dishey, aro jaan pachaishey. Huilewi ekta eight-man construction crew kun bridge dey potholes repair kuri thakishey taikhan me time dey pahunjiwo parianai, aro concrete aro twisted steel logot plummet kurishey paani pitor dey. Tuita workers ke zinda pachaishey — ekta olob karney hospitalized huishey, huilewi alag wala jokhum huanai. Tuijun laga laash toh paishey, kitia four jun toh missing asey. National Transportation Safety Board para bhi itu haatsa dey ekta investigation khulishey.