Madrid, 5 January : La Liga leader FC Barcelona bisi bhagya khelia pichete, Dani Olmo aru Robert Lewandowski laga duita late goal pora local rivals Espanyol laga ground te 2-0 te jitise.
Barcelona laga aru ekta dangor hero hoise goalkeeper Joan Garcia, juntu summer te Espanyol pora Barcelona te change hoise. Tai ball touch koria homoi te home fans pora boos aru whistles dise.
Garcia dangor-dangor save kori Espanyol ke rokhi dise. Home team aggressive football kheli sixth consecutive league win pabo try kori thakise, 6 bhal chance bonaise, kintu sob chance Garcia, taan former goalkeeper, pora fail kori dise.
86th minute te Dani Olmo ekta sundor curling shot pora ball top corner te mari Barcelona ke lead dise. Last minute te Fermin Lopez laga kaam pora Lewandowski smart finish kori Barcelona laga jit confirm kori dise.
Villarreal aru third position te wapas aise Elche laga ground te 3-1 away win pora. Visitors start te he 2-0 lead loi loise, Alberto Moleiro aru Georges Mikautadze goal mari. Half-hour pichete Martim Neto Elche laga ekta goal anise, kintu Elche wapas aibole nuarile. Match laga 7 minute baki thaka homoi te Alfonso Pedraza goal mari Villarreal laga tin point pakka kori dise.
Saturday laga opening match te Borja Iglesias duita goal mari Celta Vigo home te struggling Valencia ke 4-1 te harai dise.
Osasuna aru Athletic Bilbao laga match 1-1 draw te khotom hoise. Ruben Garcia laga long-range free kick pora Osasuna first half te deserving lead paise. Second half pichete Athletic improve kori, 20 minute baki thaka homoi te Gorka Guruzeta equaliser mari dise.
Add Comment