Barcelona, 16 September : FC Barcelona Sunday rati Estadi Johan Cruyff te Valencia CF ke pura dominate kuri kene 6-0 score te harai dise. Fermín López, Raphinha aru Robert Lewandowski duita-duita goal score kurikene team ke ekdom commanding victory di dise, juntu Barcelona laga dominance clear kori dise, jodi bhi Lamine Yamal nisina dangor player injury karone missing thakise.
Camp Nou pora relocate kora itu match Barcelona laga attacking depth aru authority ke showcase kuri dise. First half te Barça 74% possession control kurikene 11 attempt korise (Valencia zero attempt), kintu halftime te sirf ekta goal advantage thakise. Itu goal Fermín López score kurise Ferran Torres laga pinpoint assist pora. Valencia weak resistance deikene lucky thakise sirf ekta goal peeche te thaka karone.
Second half te Barcelona pura gear change kurise. Raphinha defensive lapse (Copete aru keeper Julen Agirrezabala laga) utilize kuri second goal marise. Itu pichete Fermín ekta long-range thunderous strike pora nijor second goal score kurise aru match ke settle kuridise.
Goals continue kurise juntu te Raphinha nijor brace complete kurise ekta powerful finish pora, aru Lewandowski late substitute hoi kene spectacular strike top corner te marise (club laga 150th appearance mark kuri), aru itu pichete ekta delicate chip pora final goal score kurise—VAR confirm kurise juntu first offside rul hoi thakise.
Goal fest majote, sabse emotional moment 81st minute te ahi dise: Marc Bernal, jun ekta double injury karone more than one year sidelined thakise, field te wapas ahi kene Lewandowski laga second goal te assist dise. Itu 18-year-old youngster laga comeback stadium te pura standing ovation loi dise aru nijor career laga nobo chapter suru hoise.
Itu emphatic result pora Barcelona La Liga table te second place uthijai se, aru etiya Thursday din UEFA Champions League opening match te Newcastle United logot away fixture ready hobo.
Add Comment