July 15, 2024: Felicitation Programme loishey, notun para elect hoi kena thaka member khan nimitey, Atoizu Town Council laga, Atoizu Jubilee Hall tey para, Atoizu Town tey, Zunheboto district laga, 12th July, 2024 tey, kotey MLA, Er. Picto Shohe para itu programme tey grace kurishey, itu event tey special quest hisap buhi kena.
Er. Picto para itu jama kuria manu khan ke khata para samjhaishey, itu Atoizu Town Council laga emergence opor tey. Tai para notun para elect hoi kena thaka councillor khan ke encourage kurishey, ekta sincere vision thakiboley, Atoizu Town Council ke development, shanti aru unity laga raasta phaney agey loi jaboley.
Notun para constitute kuria laga Chairperson , Atoizu Town Council laga -Kitoli Naje para itu programme tey kotha kuri kena, tai laga vision aru plan khan opor tey kotha kurishey aru mili kena effort dhaliboley karney appeal kurishey, sob stakeholder khan para. Additional Deputy Commissioner & Administrator – Atoizu Town Council laga- Nukutulu S. Venuh para insight khan provide kurishey, itu region laga administrative effort khan opor tey, tai laga speech deliver kuri thaka homoi tey.
Itu event toh hoiley NCP laga President- Shiwoto Aye para chair kurishey aru Atoizu Town Baptist Church laga Pastor – Rev Vikuto para dedicatory prathana offer kurishey.
Add Comment