December 11, 2023 : Covid-19 pandemic thaki kena ekta teen saal laga lull thaka pichetey, Team Better Dimapur para toh hoiley aru bhi itya Christmas decoration khan dhala shuru kurishey, raasta khan tey, intersection khan tey aru shopping mall khan tey Dimapur laga, excitement aru grandeur laga hawa dhali di kena, itu festive season tey.
Team Better Dimapur para alag alag government department, civil society organisation khan, business community, district administration aru church khan logotey milai kena, itu initiative toh hoiley loishey, itu city ke light up kuriboley, festive decoration khan logotey.
Itu saal, itu festive decoration khan toh itu ‘Prince of Peace’ laga theme tey centre kurishey koi asey.
Mhonjan Humtsoe kun toh hoiley Team Better Dimapur laga member asey, tai para koishey ki, Covid 19 pandemic nahoa agetey, itu team toh hoiley itu Dimapur Municipal Council (DMC) logotey mili kena, Chrismas decoration khan undertake kuri thakishey, dui saal karney.
Add Comment