Feyenoord coach Arne Slot para tai, aha seaon deh Liverpool laka manager hobo kui shae

May 19, 2024: Friday din deh Feyenoord coach Arne Slot para, tai aha season deh Jurgen Klopp keh replace kuri nah Liverpool laka next manager hobo kui shae. Liverpool puila para heh Feyenoord keh 11 million euros pay kuri bole agree kuri shae, 45 year-old slot laka compensation karne.  “Aha season deh mui, Liverpool deh coach taki bole confirm kuri bole pari bo.” Slot para quotes deh kui shae, kuto Feyenoord laka official website deh taki shae. Tuita clubs para official announcement tho short term deh ahi bo kui shae Feyenoord  para. Slots laka last game tho Sunday din deh ase, Excelsior ghor deh. Etu eki din deh, Klopp para Liverpool keh farewell bid kuri shae, noh sal piche deh, Wolverhampton laka against ekta home match deh. Slot tho Feyenoord keh 2021 para coach kuri nah ahi ase, Tai jua sal league jiti shae aro etu season, Dutch Cup tho jiti shae.