Geneva, 11 December : International Basketball Association (FIBA) laga secretary general Andreas Zagklis koi dise ki world basketball governing body FIBA NBA (National Basketball Association) logot milikena 2027 te ekta new European club competition launch koribo laga plan te kaam cholise.
“Moi biswas kore, itu hobo. Kintu NBA laga respective board aru FIBA Central Board laga approval laga ase,” Zagklis FIBA laga annual media video conference te koi dise.
“October 2027 ekta realistic target. Itu FIBA Basketball World Cup Doha te finish hoi ja bole ekta bhal time aru new project te enter koribo para ekta chance, juntu European club basketball landscape ke positive way te change kori dibo,” Zagklis Tuesday te koi dise.
March mahina te, FIBA Europe aru NBA milaikena Europe te ekta new professional men’s league launch koribo laga plan announce kori dise, juntu te 16 team thakibo. NBA Europe aru Middle East laga managing director George Aivazoglou age te London, Paris, Rome, Berlin aru Barcelona kota host city hisab te mention kori dise, kintu official naam nohoile launch date to finalise nahoi, Xinhua report te koi dise.
Add Comment