Uzbekistan, 5 September : Chess te, Indian players khan FIDE Grand Swiss Tournament, Samarkand, Uzbekistan te dangor start kurise. Reigning world champion D Gukesh, France laga Etienne Bacrot upor te first round te ekta strong jeet register kurise. Black pieces logot khelithaka Gukesh, solid Caro-Kann Defence use kurise aru thik time te precision logot attack kurikena knockout blow dise. Itu jeet karne, Gukesh next game te white pieces logot khelibo — jun tai laga expertise hisab te jane.
Dusra side te, top seed R Praggnanandhaa, American Grandmaster Jeffery Xiong logot first round te draw te dhorai dise, 11-round tournament te.
Dusra results te, Divya Deshmukh tai laga first game Abhimanyu Puranik logot hari jaise. Kintu defending champion Vidit Gujrathi, Germany laga Alexander Donchenko upor te jeet kurise. R Vaishali, Uzbekistan laga Gulrukhbegim Tokhirjonova ke harai dise. Vantika Agrawal bhi Ukraine laga Yulia Osmak upor te jeet kurise. D Harika Israel laga Marcel Eforimski logot draw kurikena settle hoise.
Add Comment