Panaji, 19 November : GM Arjun Erigaisi middle game te advantage thaka bi convert koribo parianai, aru second game te GM Wei Yi laga khilaf te draw te settle kori dibole lagise, juntu karone FIDE World Cup 2025 laga quarterfinal tiebreak te jabo nishcho hoi jaise.
Monday te black pieces te quick draw khili lua piche, Arjun white pieces te win loboley kosis kori thakise, aru itu somoi te tai competition te thaka sobse highest ranked player hisab te middle game te dangor advantage loi thaka nisina lagise.
Itu stage te, chess engine khan bishop sacrifice suggest kori thakise top move hisab te advantage confirm koribole, kintu Arjun comparatively steady move — queen d2 te loi — play kori dise. Wei Yi bhi bhal te defend kori, aru any result possible nohobole confirm kori dise.
Arjun Wednesday te tiebreak black pieces te shuru koribo, aru rapid format te advance koribo nishcho favourite parae.
Duita quarterfinal bi tiebreak te jabo:
GM Andrey Esipenko aru GM Sam Shankland 37 moves te point split kori dise, tai piche GM Jose Eduardo Martinez Alcantara aru GM Javokhir Sindarov laga match matro 18 minutes te, 25 moves te finish hoi jaise.
Uzbekistan laga GM Nodirbek Yakubboev matro ekla player ase juntu semifinal te advance kori loise classical games piche. Tai second game GM Alexander Donchenko (Germany) laga khilaf te 57 moves te draw kori dise, aru first game white pieces te win kori thakise.
Add Comment