Zurich: FIFA khan pora national star Mohamed Salah ke Best Player ballot te jai dibole karne Egypt khan pora vote nadiya laga toh sob koise dise. Egypt football federation pora hudise ki kile national team coach aro captain laga nam FIFA document pora Monday laga ceremony biche te olai diya laga vote papers te diya nai koi kena. Lionel Messi pora sixth bar chitise.
FIFA pora koise Egypt laga vote paper te dhakiya signature toh ” capital letters te dhakise aro valid dhakiya nai.”
Aro, “Sign kuribole laga voting forms ke (federation) general secretary pora sign kuriya nai.”
FIFA pora koise etu voting office toh independent auditors khan pora sai. Etu te dhakise ki Egypt khan ke pohila te etu vote paper ke confirm kuribole karne koise aro etu biche te “duibar etu voting forms ke phal pora sign kuri kena 19 August te submit kuribole yad kuri dise.”
Egyptian federation khan toh tai khan laga leadership, African Cup of Nations laga national team’s Round 16 pora olai jaa karne resign kuriya biche te July aro August mohina te ektam chamela te dhakise.
Etu biche te August mohina te, FIFA khan pora Egypt federation ke jalabole karne emergency management team bodhaise.
Add Comment