London, 18 December : Agami saal laga World Cup laga prize money, pichla edition pora 50% besi hobo. World football laga governing body FIFA Wednesday te tournament karone record $727 million financial contribution agree kori dise.
North America te hobo laga itu mega tournament karone FIFA laga funding package pora sabse dangor hissa — $655 million — tu performance-based payment hisab te 48 participating nation ke diya hobo. Champion team e $50 million paisa pabo, aru runners-up team e $33 million pabo.
Group stage pora age baribo napara 16 nation $9 million kore paisa pabo. Itu laga alawa, qualify kora prottekta nation ke preparation cost cover kori bole $1.5 million kore diya hobo. FIFA laga Council e itu bhi confirm kori dise ki under-15 youth tournament, festival-style te, sob member association karone open thakibo, jitu 2026 pora shuru hobo — age boys event aru 2027 te girls competition hobo.
FIFA Council aru itu bhi confirm kori dise je 2028 Women’s Club World Cup tu January 5 pora January 30 tak khelibo.
Add Comment