Russia khe World Cup karneh qualitfy kuribo deh toh competition khe diktar aro biya jaka teh rakhiboleh thakishe kuinah FIFA sport’s highest court teh kuishe.
Legal debate FIFA aro Russia soccer federation laka Tuesday teh publish kurishe Court Arbitration for Sports para, tateh judge para manah kuri dishe Russian khe bon kurina thaka kholaboleh aro tai khan laka men’s aro women’s World Cups teh kheliboleh.
Poland, Sweden aro Czech Republic tai khan sob Russia lokot nakhiliboleh kuishe tai khan country Ukraine lokot jakara kurah karneh.
Three-nation boycott kurina thaka Russia opor teh bhari thakishe CAS ruling teh. FIFA competitions rules teh federations khan khe punish kureh scheduled games kheliboleh manah kurishe koileh, hoilehbi soccer’s world body para Poland, Sewden aro Czechs lokot kotha manishe.
Etu kotha khan sob bujina ase aro legal aro moral point of view para kotha kubo naparibo kuishe FIFA lawyers para.
FIFA khan kuishe tai khan dikhe ase laka member federations khan bi Russia lokot khelibole manah kuribo Russia World Cup teh ahishe kuileh, aro kuishe enika huishe kuileh tournament laka jondogol toh bishe hubo aro bodli kuribo naparibo kuishe.
Hoilehbi Russia laka World Cup status 2022 toh tintah judges kun etu case laka kotha huniboleh ase etu opor teh hubo kuishe.
FIFA toh governing body ektah ase Olympic sports teh aro etui appeal hearings CAS teh paishe Russian Officials khan ban challenge kurina thaka karneh.
Add Comment