Lahore, 3 March : FIFA, jun dunia laga football governing body ase, Pakistan Football Federation (PFF) upor laga suspension uthi dise, Pakistan te football laga governance bhal thakibole nimite necessary constitutional changes implement kori dise.
FIFA February 5 te PFF upor suspension di thakise, karon Congress members FIFA laga requirement hesapte constitution amend kori boloi fail hoijai thakise.
Kintu last Thursday te, PFF Congress members ekta consensus te punchikina necessary amendments implement kori dise.
Ekjon PFF official confirm kori dise ki FIFA Sunday te inform kori dise ki suspension uthi dise.
June 2019 pora, Pakistan football to FIFA-appointed normalisation committee laga under te chali thakise, jun laga kaam elections conduct kora aru parallel factions majote thaka disputes resolve kora thakise.
Last 5 saal te committee laga leadership bishi bar change hoise, kintu Pakistan football laga main problems thakise.
Last hafta, Asian Football Confederation (AFC) laga ekta senior official Lahore visit kori kina Congress members ke required constitutional amendments adopt kori boloi persuade kori dise. Itu changes approve hoi jabole piche FIFA suspension uthi dise.
Suspension uthi jabole karone, Pakistan ekhon 2027 AFC Asian Cup qualifiers te part lobo paribo, aru March 25 te Group ‘E’ opener match te Syria upor kheli boloi ase.
Add Comment