Paris, 24 May : FIFA, world football laga main body, chhoyta member desh — Albania, Ecuador, Paraguay, Romania, Bosnia-Herzegovina aru Indonesia — upor te fine aru punishment korisey, kuntu karon qualifiers te discriminatory kaam kuria karone asey.
Albania ke order disey jate June 7 te Serbia logot laga home match te stadium laga 20% seats bondho kori dibo lage, nahoile itu jagah community aru special interest group logot fill kori bole lage.
Ecuador, jun 5 June te Brazil ke host koribo ase, tai bhi stadium laga 25% seats komai dibo lage nai hole itu section community group logot fill kori bole hobo — eneka FIFA laga disciplinary panel laga report te likha ase.
Paraguay, Romania, Bosnia-Herzegovina aru Indonesia ke bhi fine disey aru stadium capacity komai dibole order korisey, eneka laga next home match karone.
FIFA koi nai ki type laga discrimination hoisey. 2026 World Cup qualifiers duita hafta majot phiribi shuru hobo, jun tournament United States, Canada aru Mexico miliki host koribo.
FIFA laga dangor tournament — World Cup — 2026 te USA, Canada aru Mexico te hobo. Itu te Argentina superstar Lionel Messi nijor title defend koribo try koribo, jun tai 2022 te Qatar te jiti luisey.
Aahibola tournament te dangor-dangor action hobo, aru bisi famous manager bhi national team handle koribo. Ekjon ase Carlo Ancelotti, jun Brazil team — world cup history te sabse successful team — ke lead koribo, tai laga 6th World Cup jitor try te.
England, jun ekbar matra World Cup jitise 1966 te nijor desh te, tai German coach Thomas Tuchel ke appoint korisey, jate football laga janom desh te World Cup wapas loi ahi pare.
Add Comment