New Delhi, 4 October : FIFA laga 2026 World Cup laga official match ball unveil korise, juntu high-tech refinement aru design detail te combine kori ase, aru juntu celebrate korise tinta co-host desh — United States, Mexico aru Canada.
Ball laga naam Trionda, aru etu German manufacturer Adidas design korise, juntu 1970 tournament para official World Cup ball provide kori ase.
Etiya first World Cup organize hobo tin ta desh para, aru 48 team compete koribo — etu inspiration dise ball laga naam aru design te. Ball te red, blue aru green color use kori ase. Tinta host desh laga iconography include kori ase — Canada laga maple leaf, Mexico laga eagle aru United States laga star — aru triangle ase juntu tinta desh laga unity refer kore.
Kintu kom visible ase technological advancement — deep seams design kora ase juntu flight te optimal stability dise, aru embossed icon ase juntu wet aru humid condition te grip bhal banai. Motion sensor chip ase juntu ball laga movement information relay koribo, aru data VAR (video assistant referee) system te pathai.
Etu unveiling North American World Cup laga countdown te aru ekta step mark kore, juntu ahia saal June 11-July 19 te hobo. FIFA online phased ticket sales process launch korise, aru 216 desh aru territory para 4.5 million para bisi fan presale draw te enter korise. Tournament draw Washington te December 5 te hobo.
Add Comment