FIFA para World Cup hosts confirm kuribo, Saudi Arabia para 2034 tournament stage kuribo

France, 11 December : FIFA laga Wednesday din announcement te 2030 aru 2034 men’s World Cup laga host confirm kuribo, juntu te Morocco, Spain aru Portugal laga three-continent, six-nation bid 2030 World Cup ke award kuribo aru Saudi Arabia 2034 World Cup laga host hobole ase.

Last year October te, FIFA declare kurise ki itu duita tournament karne kunuba competing bids nai, aru itu karone Wednesday laga faisla ekta formality hobo pare.

Announcement din agor din tak bhi clear nai ki vote process kun format te hobo, kintu “acclamation” pra accept kuribo laga ase, na ki ekta formal vote thakibo. Tuesday din Norwegian Football Federation (NFF) janai dise ki taikan acclamation pra hosting rights award kuribo laga faisla opposite vote kuribo, aru FIFA laga bidding process ke “flawed aru inconsistent” buli criticize kurise.

Morocco, Spain aru Portugal laga combined proposal hisab te, 2030 World Cup te tinita continent aru six countries te hobo, aru itu tournament laga 100 years mark kuribo. Celebratory games Uruguay, Argentina aru Paraguay te hobo, juntu te Uruguay, 1930 te first ever World Cup host kurise.

Argentina, Chile, Uruguay aru Paraguay 2022 te ekta joint bid submit kurise 2030 World Cup host kuribo karne, kintu FIFA pichla saal janai dise ki Argentina, Uruguay aru Paraguay ek-ekta match host kuribo tournament te.

2034 World Cup Saudi Arabia te hobo, aru itu Middle East laga dusra nation hobo Qatar laga piche te, juntu 2022 edition host kurise. Australia aru Indonesia bhi ekta joint bid karibo laga plan te thakise, kintu Saudi Arabia sole bidder thakibo nimite taikan piche loi dise.

Duita bid te criticism face kurise.

2030 World Cup tinita continent te host kuribo laga faisla climate activists pra criticize kurise travel pra emissions dangor hoja karne.

Saudi Arabia laga 2034 bid human rights record aru desert climate karne criticize hoise, Qatar World Cup laga situation moto. Saudi laga climate FIFA ke event winter te rakhibo nimite force kuribo, November pra mid-December time frame te, juntu Ramadan month te coincide hobo pare. Reports te janai ase ki 2034 tournament January te rakhibo laga ase, aru itu te Winter Olympics Salt Lake City te clash hobo chance ase.

FIFA janai dise ki Saudi laga bid ekta proposed window specify kuribo nai, aru stakeholders logot collaborate kurikena “optimal timing” determine kuribo.