Houston, 15 June : Germany para FIFA World Cup campaign bisi strong para suru korise
Germany para FIFA World Cup 2026 laga opening match te debutants Curacao ke 7-1 pora harai dise Houston te.
German midfielder Felix Nmecha para 6th minute te scoring khuli dise, juntu te Florian Wirtz laga bhal assist thakise.
Curacao para 21st minute te equalise korise Livano Comenencia laga goal pora. Etu Curacao laga World Cup history te first-ever goal bhi hoise.
Kintu etu pichete Germany para pura domination dikhaikena dangor 7-1 victory hasil korise.
Eki logot, Group F opener te Japan aru Netherlands para Dallas Stadium, Texas te exciting 2-2 draw khelise.
First half scoreless thakia pichete, Virgil van Dijk para header pora Netherlands ke lead dise. Kintu Japan laga Keito Nakamura para olop somoy pichete equaliser mari dise.
Netherlands para aru ekbar lead loi loise ketiya Crysencio Summerville para ekta sundor curling shot pora goal korise.
Match tu Netherlands jitibo nisina dikha jaise, kintu Japan para last moments te ghuri ahise. Koki Ogawa laga header Daichi Kamada upor deflect hoi goalkeeper ke beat kori dise, aru match tu 2-2 draw te sesh hoise.
Aji Group F te Tunisia aru Sweden Monterrey Stadium, Mexico te mukabila koribo. Match tu Indian Standard Time hisab te 7:30 suru hobo.
Aru Group H te Spain para Cabo Verde logot Atlanta Stadium, United States te khelibo. Match tu rati 9:30 IST te suru hobo.
