Canada, 9 May : Nora Fatehi, kun tai laga dance moves karone bishi famous ase, etia FIFA te aru ekbar dazzling performance dibole ready hoi ase. Actor-performer tu 2026 FIFA World Cup opening ceremony te perform koribo, juntu Canada te hobo, aru etu logot tai aru ekbar global stage te ghuri ahibo.
Saturday te reveal hoise ki Nora 2026 FIFA World Cup Opening Ceremony te perform aru sing koribo. Event tu June 12 te BMO Field, Toronto te hobo.
Itu announcement logot Nora global lineup laga part hoise, kutey Alanis Morissette, Alessia Cara, Elyanna, Jessie Reyez, Michael Bublé, Sanjoy, Vegedream aru William Prince nisina naam ase. Meanwhile, USA opening ceremony lineup te Anitta, Future, Katy Perry, Lisa, Rema aru Tyla nisina global music icons ase.
Agey te, Nora 2022 FIFA World Cup time te Qatar te perform korise. Tai World Cup fan fest te performance dise. Itu homoi tai appreciation pai fans aru tai laga team ke thanks janai special post share korise.
2026 FIFA World Cup, juntu 48-team tournament ase, June 11 pora July 19 loikena khelibo. FIFA confirm kori dise ki tinta opening ceremonies hobo. Tinta host countries — United States, Mexico aru Canada — sob jagate opening matches laga agey grand events hobo. First opening ceremony Mexico City Stadium te Mexico aru South Africa majot tournament opener laga agey hobo.
Meanwhile, itu week te Nora National Commission for Women samne appear korise, film gaana Sarke Chunar te mahila laga alleged indecent portrayal karone summon korise. Commission lag bahar media logot kotha pati tai koi dise ki written apology submit kori dise. Actor tu aru koi dise ki public figure aru artist hisab thaka responsibility tai bhalke bujhe.
Add Comment