Philadelphia, 23 June : FIFA World Cup te, France Group I match te Philadelphia Stadium te Iraq ke 3-0 score logot harai dise aru knockout stage te qualify korise. Kylian Mbappé duita goals marise ketiya Ousmane Dembélé ekta goal add korisey. Kintu match tu severe thunderstorms karone overshadow hoise. Bisi bura weather karone match 2 ghonta 12 minute delay hoi thakise, spectators khan ke stadium pora ulai dibole porise aru pitch bhi pura pani logot bhori jai thakise.
Agey te, Argentina United States laga Arlington te Group J match te Austria ke 2-0 score logot harai dise aru Round of 32 te place secure korise. Argentina captain Lionel Messi 38th minute te first goal marise aru stoppage time te aru ekta goal add korisey.
Etu duita goals logot Messi laga FIFA World Cup goal tally 18 te pounchise. Tai Germany laga Miroslav Klose (16 goals) laga record ke cross kori World Cup history te sabse bisi goals mara player hoise.
