December 12, 2025: FIFA World Cup toh four sal teh ekbar ahei aro aha sal laga ticket toh manu khan laga pocket teh chenda panadebo koishe. Match khan United, Mexico aro Canda te thakebole laga ticket toh Rs 3,77,500 ase koishe. Last FIFA World Cup kunto Qatar 2022 teh thakeshe. Etu laga ticket dam aro aha sal laga ticket dam sai she koishe koile toh beshi utheshe. Qatar laga ticket dam toh Rs. 55,000he thakeshe.
Football Supporters Europe (FSE) para koishe ki etu ticket laga dam toh extortion he ase. Aro Tai khan FIFA ke koishe ki ticket bekabole rukhai debe. BBC sport report para koishe ki group stages khan laga sunder hesab para he ticket laga dam halei ase.
Official supporters laga group khan ke 4,000 ticket pai ekta match karne. Aro alak ticket khan toh lottery system para dei koishe. Aro alak khan toh FIFA laga corporate partners karne ase koishe.
Dallas laga stadium teh toh 94,000 manu buhebole parebo koishe. Aro Toronto laga stadium teh toh 45,000 manu buhei bole parebo koishe. FSE para koishe ki FIFA khan ticket bekabole bon kure dena. Aro ekbar ticket khan laga dam toh sai kena kumti kure debe koishe.
Add Comment