FIH Pro League: India 0-2 para hare she Spain laga hath para

Hobart, February 22, 2026: FIH Men’s Pro League te, India 0-2 para hare she Spain laga hath te para, ja sal laga Hobart te bea para harea piche. Ignacio Abajo para 6th minute te gola goshai she, aro Ignacio Cobos para 36th minute te goal goshai she, tai khan laga defence be beshe bhal thake she. India khan be beshe chance pai she gola gosha bole, hoile be chola bole pare nai utu chance khan. Rourkela te duata loss pai kena ase India khan, Belgium aro Argentina laga hath te para. Tai khan babe thake she Australia te para othai lobo, hoile be opener match te hare jai she. Hobart leg kunto Australia te khelea ase, etu toh February 25 tuk khele bole ase. India khan opener match te, juldi passing khan kure kena ball te hath te rukhe bole khushesh kure she, hoile be Spain laga counter hamla te beshe bhal thake she. Abajo para first gaol goshai she Spain khan karne. Goal gushe le be, India khan juldi passing kure thake she, Spain laga defence bhanga bole. India laga team chance bana bole pare she quarter khotom hobole homoi, Abhishek para bhal ekta strike mare she, hoile be Spani laga golakeeper Luis Calzado para block kure de she. Hobart leg te India khan aha match te Austalia khan logo te khele bole ase Sunday te.