Antwerp, 16 June : Manpreet Singh laga 400th international match juntu ekta dangor milestone ase, etu tai laga asha mota na jai thakise, karon India Sunday din FIH Hockey Pro League 2024-25 (Men) laga match te Australia logot 2-3 te haraise.
Australia laga jeet Tim Brand (4’), Blake Govers (5’) aru Cooper Burns (18’) laga goals te ahise, jabole India laga taraf te Sanjay (3’) aru Dilpreet Singh (36’) score korise.
India game shuru te bhal performance dikhaise, jitia third minute te Sanjay ekta PC laga rebound uthai goal marikena India ke 1-0 te lead te loi jabo parise. Kintu Australia turanth response dise, next minute te Tim Brand laga ekta zabardast goal te equalize korise, aru etu ke follow kori Blake Govers duita second majot ekta dangor goal markorise juntu India ke shock dila. India laga goalie Krishan Pathak etu intense Aussie attack rokha koribo naparile.
Game laga prothom 10 minutes etiya tak European leg te sob se fast-paced thakise, jitia duita team bhi full intensity te khelise aru match ke ekta high-octane encounter banai dise.
Prothom quarter khotom te Australia 2-1 te lead te thakise aru 18th minute te Cooper Burns ekta goal marikena score 3-1 banaidise. Etu India logot dangor pressure loi ahise, jabole Australia fast attack te lead barhaibo try korise. Etu bichor duita team bhi PC exchange korile kintu success pai naparile, aru first half Australia laga 3-1 lead te khotom hoise.
Dusra half suru hote India fresh energy loi field te wapis aise aru Dilpreet Singh laga 36th minute te ekta bhal field goal, Abhishek laga assist te, India ke 2-3 banaidise. Itu goal bisi important thakise India laga comeback hope bachaibo karone, kintu Australia laga defence strong thakise, circle bhitor te India ke khule chance di nai.
Last quarter pura nail-biting hoise. India laga taraf te kichu moments thakise jitia equalizer maribo parile, kintu opportunity utilize koribo naparile. Australia last minute te India ke rokhi rakhibo te safal hoise aru etu important jeet te tinita crucial point uthai loise.
Add Comment