New Zealand, 18 June : Hockey te, India aji New Zealand te FIH Women’s Nations Cupot Uruguay ke 3-2 te haraina lagatar third victory hasil kori Pool A laga top position te finish korise.
Prothomte goal concede koria pichete bhi India zor comeback dise. Deepika duita goal marise aru Deepika Soreng bhi ekta goal add korise.
Uruguay, Chiara Appennino laga goal pora 13th minute te lead loise. Kintu 24th minute te Deepika penalty corner pora equalise kori dise.
Itu pichete, 43rd minute te Soreng field goal mari India ke lead dise. Uruguay captain Manuela Vilar 55th minute te score barabar kori dise, kintu ek minute piche Deepika aru ekta goal mari India laga victory confirm kori dise.
Tinita match para tinita victory loi India Pool A laga top te finish kori semifinals te qualify korise. June 20 te India, Chile aru Korea majot hobo laga match laga winner logot semifinals khelibo.
Itu match Neha karne bhi ekta bisi important milestone ase, karon tai India karne 200 international appearances pura korise.
