Los Angeles, 15 December : Veteran Hollywood filmmaker Rob Reiner aru tai laga wife Michele Reiner ke reportedly Sunday rati Los Angeles laga Brentwood te taikhan laga mansion bhitor te murina paise. Taikhan duijon laga body te multiple knife stab mark paise. Investigation chali thaka somoy te, rumours ahise ki Reiner laga putra Nick Reiner taikhan ke muraise. Police pora official confirmation etiyao ahibo baki ase.
Sunday, December 14 te, Los Angeles Fire Department (LAFD) ke ekta ghar te medical help dibole call korise, kuina People report korise. Site te punchi kene, taikhan 78 saal laga ekta purush aru 68 saal laga ekta mahila laga dead body paise. Pichete itu body bur ke Rob aru Michele hisab te identify korise . Same portal hisab te, Nick Reiner tar parents ke muraise kuina kua hoise arfu etiya taike question kori ase.
Rob Reiner America laga ekjon khub celebrated filmmaker hisab te jana jaise, jun laga popular movie bur majot Stand By Me, The Princess Bride aru When Harry Met Sally ase. Billy Crystal aru Meg Ryan-starrer movie laga shoot somoy te Reiner Michele ke log paise, jun ekjon professional photographer ase. Taikhan duijon bhal paise aru 1989 te biya kori loise, aru decades porjonto ekta strong partnership shuru hoise. Taikhan tin ta bacha ase — Jake, Nick aru Romy. Reiner actress Tracy Reiner laga adoptive father bhi ase, jun tar first wife, late actress aru director Penny Marshall laga daughter.
Police authority bur investigation aage barha pichete aru details share koribo kuina expectation ase.
Add Comment