Filmmaker Sudha Kongara para koisey Akshay Kumar, Suriya para scene ke approach kora laga tarika alag alag asey

New Delhi, July 05 : ‘Sarfira’ film laga director Sudha Kongara para recently Akshay Kumar aro Suriya logotey kaam kora laga tailaga experience laga bari te kotha koisey. Najanikina thaka manu khan nimitey ‘Sarfira’ tu Tamil film ‘Soorari Pottru’ laga Hindi remake asey. Kongara para Tamil version ‘Soorari Pottru’ bi direct kurisiley, kuntu te Suriya main actor thakisey. Bollywood film ‘Sarfira’ tu tai para bollywood te direct kora first film asey. Tai para Akshay aro Suriya, duijun logotey bi kaam kora laga bari te kotha koisey.  Tai para koisey ki Akshay aro Suriya, duijun laga bi kaam kora laga tarika alag asey. Tai para kosiey, “Suriya laga mukabala te Akshay tu bisi sorom nokora aro hasi dhamali kurikina energy bhorta thaka manu asey. Suriya tu kaam ke loikina serious, tight aro chup chap thaka manu asey aro tai etu performance bi etu nisna diye.  Taikhan para shoot kora scene khan tu ekjun ekjun para ekdam alag asey. Amikhan para shoot kora proposal scene te, Akshay tu bisi confident, stylish aro ekdam bhal para perform kurisey. Hoilebi Suriya logotey tu, tai olop biis reserved (eman express nokora) manu asey. Toh, naturally film laga character khan ekdam alag hoijai. Toh, etu ami nimitey bhal thakisey. Tai para koisey, “Ami janey ki Suriya tu ekdam tayar hoikina thakey aro homoi logotey tai aro behtar hoi thakey. Tai amikey koi thakey ki tai tu kiman shot lobo eman hey behtar behtar hoikina jai thakey. Hoilebi Akshay para amikey etu koithakey ki tailaga first shot tu best shot thakey. Hoilebi enaka nohoi. Ami para etu janisey ki tai kiman bar shot dibo eman hey behtar behtar hoikina jai thakey. “