Finance Minister Nirmala Sitharaman para US visit soruh

New Delhi: Union Finance Minister Nirmala Sitharaman toh April 18 darik para US te official visit samai, International Monetary Fund (IMF) aro World Bank Spring Meetings, G20 Finance Ministers meeting aro Central Bank Governor Meeting (FMCBG) te samil koribo. Tai laga visit te aro bilateral interactions pithor te Indonesia, South Korea, Sri Lanka, South Africa aro high-level meeting toh World Bank President David Malpass logot koribo, koikena Ministry of Finance laga statement hesab te khobor toh junaishe. Finance Minister toh aro semiconductor, energy aro dosura priority sectors Government of India laga CEOs logot one-on-one meetings koribo. Tai laga visit samai, Finance Minister Sitharaman toh aro Managing Director, IMF para “Money at a Crossroad” hosted kora high-level panel discussion te samil koribo. Tai para World Bank, IMF, G-20 aro Financial Action Task Force (FATF) logot official engagements jarikena, Nirmala Sitharaman para aro Atlantic Council te event ekta te samil koribo, etu toh Washington DC laga prominent think tank based ase aro etu samai Stanford University te faculty aro students logot kotha koribo. Nirmala Sitharaman toh 3^rd high-level minister ase ke tai para jowa hafta External Affairs Minister (EAM) S Jaishankar aro Defence Minister Rajnath Singh logot US visit korishe aro etu samai India-US 2 2 ministerial toh April 11 darik te US counterparts logot lok korikena ahishe.