August 24, 2025, 07:44 PM: Itu Deputy Commissioner, Kohima laga Office para ekta order issue kurishey, itu declare kuri kena ki, Fira Hotel para Assamese Church tak laga raasta tey ‘No Parking Zone’ hoi jaboley asey koi kena, Jail Colony, Ward 19 laga under tey, phat para effect tey loi kena.
Itu order toh hoiley, manu khan bishi khushi khushi authorise nathaki kena gari khan park kuri thaka para issue kuria laga asey, itu Kohima town laga raasta kinar khan tey, Kohima town tey, itu misa-mishi para parking kuria para traffic khan bhala para aha jawa bhi kuriboley napri thakishey, dikhdari pai thakishey. Itu Deputy Commissioner & Chairman, Regional Transport Authority, Kohima, B. Henok Buchem, para inform kurishey, ki, judi kunba gari khan itu directive issue kuria ke namani kena violate kurishey koiley, tai khan laga gari toh uthai kena loi jaboley asey, itu aru pichetey itu gari malik ke penalize kuriboley asey, Motor Vehicles Act, 1988 laga Section 179 under tey.
Add Comment