Fire Brigade kaam Kurea Manu ke Arrest Kurishe

Agartala, April 27, 2025:  Yete Tripura laga Fire Service te kaam kurea manu ekta ke arrest kurishe koishe. Etu toh  North Tripura laga Dharma Nagar Subdivision bitor te thakhea Kadamtala para durishe koishe. Etu manu toh Mansur Ali (28) ase koishe. Aru tai toh Fire Service te kaam kurea manu ase. Taike KIle arrest kurishe koile. Tai social media te Prime Minister Modi, Home Minister Amit Shah, Assam Chief Minister Himanta Biswa Sarma aru UP Chief Minister Yogi Adityanath laga picture khan loi kina. Kuta nishina banai dishe, aru kuta nishina chain dali kina. MIM Leader Asaduddin Owaisi ke tani bole dea ase koishe. Etu tai post kurea toh. Facebook te manu bishi dikhishe. Aru manu khan para filing Complaint kurishe. Etu laga jawab te Mansur Ali ke arrest kuri kina. Jail te dali dishe koishe. Taike court laga ageate anibole ase koishe Kadamtal Police khan para.