March 19, 2025, 05:41 PM: Itu Fire & Emergency Service laga department para toh hoiley inform kurishey, ekta press release tey, ki, itu sukha aru hawa mara laga season tey, bishi bar-bar para jungle khan julai thaki kena asey, hunter khan, camper khan, miscreant khan nishina para, itu toh eneka hey thaki kena ahi asey, best effort khan thaki lebi, itu Fire aru Emergency Service Nagaland laga Fire Fighter para bishi bhal para effort diya pichetey bhi aru bosti laga volunteer khan itu District Administration aru Police laga support logotey counter kuriboley asey, jungle tey jui laga toh, manu khan laga ghor khan tey napunchiboley karney.
Itu department para aru koishey ki, tai khan toh hoiley itu sob Forest fire toh attend kuriboley naparey, manu khan thaka jaga area khan tey alarming nahoa tak. Itu State Government, District Administration aru Forest Department para notification issue kuri kena ahishey homoi homoi tey, forest fire toh pura puri ban kuriboley laga regard tey, aru itu laga consequence laga kotha janai kena bhi ahishey, itu ecological balance khan tey. Itu department para itu nimitey, itu Public aru Village Council ke appeal kurishey, proactive measure khan loboley karney, itu galti kuria manu khan they thik dhuribo pariboley karney aru miscreant khan opor tey action impose kuriboley karney, law laga hisap tey. Itya takt oh, itu state toh hoiley 114 case khan witness kurishey, Forest fire laga, 2 & ½ muhina laga span tey, Kohima district logotey, itu ekla 67 case khan nimitey accounting thaki kena, kuntu toh hoiley ekta serious concern thaki kena asey, tai khan para state kurishey.
Add Comment