March 9, 2026: Nagaland tey firecracker regulate kuria laga issue raise kurishey, itu 14th Nagaland Legislative Assembly laga 8th Session tey, 9th March, 2026 tey, NLA Hall, Kohima tey, MLA Nuklutoshi logotey, clarity bisari kena, kiley restriction khan toh hoiley bishi bhak highlight kurey Diwali laga homoi tey hey, kiley itu same concept toh hoiley Christmas aru New Year celebration laga homoi tey emphasize nakurey.
Itu question uthawa laga homoi tey, itu 14th NLA laga 8th Session tey, Nuklutoshi para point out kurishey ki, firecracker khan toh hoiley toxic gas charey kuntu para toh manu aru janwar khan bimar kuri diye aru bishi dikdari diye saas loboley karney bhi. Tai para note kurishey ki, itu firecracker khan toh hoiley hawa tey aru awaaz bishi laga bhi pollution banai diye, manu laga lungs bhi biya kurey aru jungle janwar aru domestic janwar khan ke bhi bishi disturb kurey. Tai para itu nimitey itu difference thaka opor tey logic question kurishey, restriction khan laga enforcement kuria tey, festival khan tey, itu State tey.
Itu ke jawab di kena, Deputy Chief Minister Yanthungo Patton para state kurishey ki, itu firecracker khan chualboley laga toh hoiley India laga Supreme Court para directive khan issue kuria para guide kurey, kuntu toh hoiley tai khan laga regulate thaki kena chulabley laga allow kurey, specific condition khan under tey.
Add Comment