June 30, 2025, 06:22 PM: MUSA-PHE Cluster-level Federation laga first annual general meeting organize kurishey, NSRLM Zunheboto para, Multi-Purpose Hall, Zunheboto tey, 28th June, 2025 tey, Food & Civil Supplies aru Legal Metrology nimitey Advisor – K.T Sukhalu, IAS (Rtd) tatey chief guest hisap buhi kena.
Sukhalu para itu programme tey kotha kuri kena, koishey, itu SHG khan laga focus toh hoiley ekta producer hoboley laga asey, kiley koiley itu toh hoiley growth ke link asey aru tai khan ke empower kurey, self-reliant hoboley, kuntu toh hoiley wapas tey financial stability ani diye. Itu advisor para tai khushi thaka laga share kurishey, ki, 2.800 para bhi bishi potential SHG member khan, Zunheboto district para itu nation ke modod kuri asey, tai khan laga sapna toh pura kuriboley, 3 crore Lakhpati Didi khan banaboley laga tey.
Itu Advisor para itu Federation ke encourage kurishey, agey bari kena jaboley, aru bhi dangor space provide kuriboley aru maiki manu khan nimitey awaz hoboley koishey, aru itu para tai khan ke self reliant banai di kena aru alag ghor laga maiki khan ke bhi itu SHG khan tey join kuriboley encourage kuri kena.
Add Comment