First North East Olympic Game deh Nagaland hesha loise

Agencies, 30 October: First North East Olympic Game toh 24^th October pora suru kori kena 28^th October 2018 tak main Stadium, Khuman Lampak Sports Complex, Imphal jaga deh lowah thakise. Etu deh Nagaland state contingent be hesha lowah thakise. Nagaland state Team nemide sob meli 175 jun hesha lowah thakise. Tati 72 players thaga deh 67 maike, 7 Technical Officials, State Olympic Association pora 6 Officials, aro 22 Coach & Managers hesha lowah thakise. Team Nagaland deh Secretary General Nagaland Olympic Association, T. Meren Paul  logode CHEF-DE-Mission, Tali Jamir aro Deputy CHEF-DE-Mission Er. Khrielievio Tsumvu pora lead kora thakise. CHEF-DE-Mission, Tali Jamir pora sob players laga side pora Chief Minister of Nagaland & President of Nagaland Olympic Association, Neiphiu Rio logode state contingent deh motob kora karni thanks janaise. Tali pora be sob technical officials, observers aro Director, IPR, Nagaland, Limawati Ao logode ektum kushi pora thanks janaise. North-East Olympic Games laga second edition toh 2020 sal Arunachal Pradesh deh khelibole ase. Chief Minister Nagaland and President Nagaland Olympic Association, Neiphiu Rio pora sob hesha lowah manu khan aro besi phak Medal jeta khan logode congratulate korise. Etu par game kothom howah laga ranking deh Nagaland Emerged toh 5^th position deh ase. Etu par laga game deh Nagaland pora 6 Gold Medal, 9 Silver Medal aro 26 Bronze Medal lobole pari kena ase. Aro etu laga game deh archery, athletics, badminton, football, judo, shooting, table tennis, weight lifting, taekwondo, karate, boxing aro wushu khan thakise.