Five manu muri shey, aro bishi hari kina ase koina bhui ase Hague flat explosion hoi kina

Netherlands, 8 December 2024: At least five manu muri jaishey aro alak four manu jokom paishey, explosion pra Netherlands te, The Hague flat te explosion hoi kina, authorities khan pra janai dishey. Fire fighters khan three-storey building te tara tari jaishey blast hoi kina, etu blast pra kunba ghor khan girai dishey Tarwekamp jaka te 06:15 (05:15 GMT) Saturday din te. City laka mayor, Jan van Zanem pra koishey echa b najaneh kiman manu hari kina ase. Etu explosion toh kinika hoishey echa b clear nai hoileh Dutch police pra koishey ekta gari joldi chulai kina jai jaishey etu hoi kina aro witnesses khan nimite appeal kuri shey. Van Zanem pra koishey manu phator te phasi ja khan ke bacha boleh chance toh bishi komti ase aro community khan ke tayar thakibi koishey khobor biya karne. Olop agae te bhabi shey ki at least 20 manu flat te thaki shey blast hwa time te hoileh b mayor toh refuse kuri shey tadeh speculate kuribo leh. Dutch Fire Service pra koishey five manu confirm muri jaishey. Dutch media pra five flats explosion te biya hoi jaishey koina report kuri shey. Rescue team khan sniffer kuta lokot phatai dishey pathor jaka te, hoileh b jaka laka kunba parts toh bishi danger thaki shey jabo leh. Ekta dangor excavator anishey pathor khan ke hataboleh aro jaka te lighting erect kuri shey. Fourteen saal Adam Muller pra AFP news agency khan ke koishey explosion toh earthquake nishina lagi shey. Tai pra koishey, tai humai thaki shey aro achanak ekta dangor bang ahishey. Window pra bahar te saishey leh khali jui he thaki shey. Bishi shock lagi shey koishey. Netherlands laka National police commissioner Janny Knol pra community toh bisas nathaka halat aro uncertainty te ase.