Five murise New York tour bus crash highway te

New york, 23 August 2025:  Tour bus New York State Thruway te Pembroke , western New York side, Buffalo para 30 mile dur te crash hoi jeni kena five manu khan tu muri jai she  . Bus tu 52 passenger loi kena jai  thaki she, aru tati bacha Khan para lui kena 74 years old khan bhi thaki she , aru tai khan tu Niagara Falls para New York City te wapas jai thaki she. Bishi passenger India, China aru Philippines para thaki she. Police para confirm kuri dise ke first te report laga under te bacha muri ja laga news tu  thik na hoi. Kunba victim khan tu bus para bahar phala de kena murai de kena thaki she ke lae koi lae tu tai khan seatbelt use naukri karone, aru etu ekala na hoi kena kunba manu khan ke tu two hours karone wreckage laga bhitor te phase kena thaki she . Ambulance aru medical helicopter khan para crash hoi kena thaka laga jaka te ahi she. Hospital aru jak te translator aru translation device bhi use kuri kena non-English speaker bacha khan aru family khan ke  help kuri she. New York State Police troop commander Andre Ray Major para koi she ke mechanical failure aru driver laga impairment tu rule out kuri de she, aru exact cause tu aji para he investigate hoi ase. Driver para tu cooperate kuri ase, hoilae bhi case file nohoi. 24  adult khan ke tu local hospital te admit kuri de she aru doctor para koi she ke tai khan tu recover kuri bole karone expect kuri ase . Bacha khan ke tu children’s hospital te transfer kuri dise. Eyewitness khan para  koi thaka tu bus tu side te drive kuri thaki she, aru window khan bhi sap break hoi kena thaki she, glass aru passenger laga saman road te sop phalai kena thaki she koi she. Governor Kathy Hochul para koi she ke local officials khan ke rescue kuri bole phatai kena aru help kuri thaki she. Connect life, tu hospital laga blood supply kuri kena , tai kena ke emergency appeal for blood donations tu issue kuri dise. Red Cross khan bhi family reunification center khuli de she bacha aru parents khan karone alag hospital te transfer kuri thaka reunite kuri bole karone. Police para request kuri thaki she ke dashcam footage thaka laga driver khan help kuri bole etu investigation khan karone. Aru etu Crash tu Niagara Falls para 40 mile dur te, ekta famous tourist jagah ase US-Canada border side tati etu incident tu occur hoi she.