Agencies: Friday te Los Angeles para Maui, Hawaii te nonstop jabole thaka flight toh passengers khan nimite ekta biya nightmare hoishe. Flight toh cancel nohuwa agote teen bar aha ja kurishe.
Media laga khobor hesab te “Maui” laga Kahului airport te jai thaka Hawaiian Airlines Flight 33 toh dui bar take off kurishe. Aro etu sob bar bhi bishi ghonta akash te thaka pichete wapas Los Angeles International Airport te land kurishe. Ketiya plane toh third time jabole taiyar kurishe. Plane toh joborjas gate te wapas ahibole koishe aro flight toh cancel kurishe.
Sunday te Hawaiian Airlines para etu opor te eku jawab dibole mana nai. Hoile bhi airline laga senior manager Alex Da Silva CNN ke koishe unrelated system issues nimite plane toh bishi bar wapas ghurai kena ahishe. Hoile bhi airline para asol problem toh ke thakishe etu laga eku jawab diya nai.
Online traker flightradar24.com laga ekta image hesab te flight toh plane toh ek ghonta para bhi komti te loop kurishe aro dusra ghonta bhitor te wapas Los Angeles airport te ahishe.
Plane dusra bar kosis kura te plane toh 5.5 ghonta Pacific Ocean opor te ghurai thakishe. Plane toh Channel Islands National Park bhi par kuribole nai. Etu Channel Islands National Park toh thik California coast olop par kuri kena ase. Plane 2,500 miles genika ghura pichete airport te wapas land kurishe.
CNN statement te koishe duiso para bhi bishi passengers plane te thakishe.
Add Comment