Flood nimete hosiyar

SHILLONG, September 1, 2018: China te paani bishi jamaa huwa nimete Meghalaya laga tinta district te flood nimete hosiyar janaidishe .Meghalaya te West Garo Hills, North Garo Hills aro  South West Garo Hills  laga  deputy commissioners ke hosiyar janaidishe  aro tai khan ke koishe  disaster management teams ke tayar rukhibole karne emergency nimete .”Chinese sorkar pora paani bishi olaidiya nimete Brahmaputa nodi te paani bishi jaama hoikena thakibo.”ekta revenue  aro disaster management official koishe etu tinta district  laga DC khan logote tara tari kotha khan koikena . West Garo Hills district deputy commissioner Ram Singh koishe district  authorities etu situation sai ase.”Upper assam aro CWC bulletins pora ami khan etu flood level khan sai ase.Manu khan etu flood huwa jaka te buwa manu khan ke olaidibo District Disaster Management Authorities pora diya jaka khan te paani level laga khobor paa pichede.Komti hoilebi 19 manu khan ke  Air force  pora uthaishe Arunachal Pradesh island pora Friday te aro komti hoilebi 200 manu nishena ke  Assam’s Dhemaji district pora bachaise Siang river china pora aha toh paani gira karne bishi hoi ase.