November 11, 2020. Tuesday rati Tampa basketball court te mara-mari hoikena 1 jun manuh morishe aro 7 jun jokom paishe, koikena local authorities para junai thishe. Investigators khan laga hesab para kowa toh, ekta group manuh khan gari te ahikena aro gari laga windows toh kali thakishe, etu samai basketball court te manuh jama korikena thaka khan logot besi paar jooli marishe koishe. ABC laga khobor para koishe ke, gooli mara toh antas te mara nahoi hoilebi manuh khan logot target thaka ase. Sheriff’s Officer para koishe ke, 36 umer ek jun hospital te loikena jaishe aro jokom nemite morishe, etu samai tui(2) jun manuh toh besi serious te ase aro 5 jun toh normal te ase. ABC para aro koishe ke, jokom kora manuh khan laga Umer toh 17 para loikena 36 umer khan thakishe. Hillsborough County laga detectives khan para hamla kora oper te khobor toh janiboli loi ase koishe.“aji rati ami khan ek jun laga jeevan jaishe, thimak natha kam nemite,” koikena Sheriff Chad Chronister para statement te koishe. “ami khan etu chaka te shanty aniboli kam kori ase aro kaun manuh khan para jokom korishe, etu manuh khan ke thuriboli ase”, taiarojanaishe.
March 13, 2026
World's First and Only Nagamese Newspaper
Add Comment