Food aru Civil Supply para guideline khan issue kurishey, General Household (GHH) scheme nimitey

September 24, 2024, 04:55 PM : Food & Civil Supplies, Nagaland laga Directorate para toh hoiley ekta circular release kurishey, itu eligibility criteria detail kuri kena, itu General Household (GHH) scheme nimitey, itu Tide-over scheme under tey. Itu scheme toh hoiley citizen khan aru indigenous inhabitant khan ke aim kuria laga asey, Nagaland laga, kun laga ek saal laga income toh ₹2.50 lakh para bhi bishi wala asey, kun khan toh itu NFSA laga AAY aru PHH scheme khan under tey cover nai, tai khan karney. Itu circular para highlight kurishey ki, family khan laga sob para dangor chukri (18+ saal) toh hoiley family laga head koi kena naam pabo, itu ration card laga issuance nimitey. Judi kun bhi eligible maiki khan available nai koiley, mota manu kun khan sob para dangor asey ghor teytai ke itu role tey dhaliboley paribo. Sob parivar khan nimitey Aadhaar card khan toh submit kuriboley lagibo aru application khan, itu prescribe kuri kena thaka format tey, September 30^th, 2024 laga agey para. Aru bhi judi kiba kibi janiboley mon asey koiley, manu khan tai khan laga District Food & Civil Supplies Office, Dimapur tey contact kuriboley paribo, koishey.