Kolkata, 30 March: Monday te Indian football icon Bhaichung Bhutia para Sikkim laga migrant workers ke shelter deshe kelay koile desh te COVID-19 pandemic nemide 21 din lockdown kora te deal kuribole nemide.
Unorganised sectors laga migrant workers ke besi dekthari paise khor te korai ahibo nemide kelay koile last Tuesday para desh te lockdown lakaidekena thaka nemide.
Bhutia koise, “Lockdown te besi dekthari powah manu khan toh migrant workers ase. Jowah kali Sikkim border te besi line thakise. Ami ke Gangtok (Lumsey, Tadong) te kothom nahowah ekta notun building ase. Etu para 100 opor manu ke accommodate koribo lakae”.
Tai koise, “Ami para khor nathaka migrant worker ke bohoibo nemide motob deshe. Ami khan para tai khan ke olob basic ration debo. Ami be etu kuribole nemide local authorities logode kaam kori ase. Ami khan support kuribole paribo aro eki logode kaam kuribole paribo”.
Bhautia aro koise, tai toh medical services daiyar nemide local administration logode mela-meli ase.
Tai koise, “Etiya tak ekta corona positive case nai. Etu para tai khan toh corona para safe ase. Doctors para be check kuribole paribo. Ami khan government ke request kuribole kosish kori ase. Tai khan toh borders bondh aro lockdown thaka time te khor te thakikena coronavirus para bacha toh thakibo. Tai khan ke ektum dukh toh paise aro tai khan jabole kondu jaga be nai”.
Bhutia para be tai laga official Facebook page te tai laga club United Sikkim’s senior manager Arjun Rai laga phone number logode post kora thakise.
Add Comment