Agencies, 10 September: Union sports ministry para bemari te thaka Indian junior footballer, Ramananda Ningthoujam nemide Rs 5 lakh grant korise. Etu khobor toh Union sports minister Kiren Rijiju para janaideya laga ase.
Rijiju para Ramananda Ningthoujam toh blurred vision logode kidney dekthari para dukh pai ase koise. Union minister para be judi besi lakiya thakise koile tai laga ministry para motob koribole kosish koribo koise.
Media khobor hisaab te, Ramananda toh Manipur para ase aro tai toh rickshaw-puller laga ekta chokara ase aro tai laga family toh tai ke thek medical care debole napari.
Junior footballer toh Shija Hospital, Manipur te treatment kori ase. Ramananda toh India nemide 2017 sal -17 Asian Football Soccer Championships in Guwahati te represent kora thakise. Ramananda be 2013 sal Kalyani te U-12/U-13 National Sub-Junior Championships aro 2015 sal Delhi te U-15 National Championships te khela thakise.
Ramananda be India nemide besi junior international events te represent kora thakise. Player nemide Rs 5 lakh toh Pandit Deendayal Upadhyay National Welfare Fund for Sportspersons pithor te financial assistance nemide grant korise.
Manipur chief minister N Biren Singh para be agae te footb aller nemide poisa para motob koribole kowa thakise. Tai laga shati aro family members para tai laga naam te donation karni Facebook page suru korise.
Footballer laga treatment nemide sob melikena Rs 4 lakh poisa toh donation para he jama koribole parishe.
Add Comment