New Delhi, March 02: Forbes para olop din ageyte hey duniya te sobsey bisi poisa kama celebrity khan laga list olaisiley. Etu list te ‘The Rock’(Dwayne Johnson) tu top te ahisey. Wrestler para actor hoija Dwayne Johnson tu $ 88 million income logotey 2024 laga sobsey highest tankha pa actor announce hoisey.
Dwayne Johnson tu etu list te shamil thaka first time nohoi. Tai tu etu list te fifth bar top kuri asey. Tai para etu list tu first time 2016 te top kurisiley jitya tai $64.5 million kamaisiley. Aro etu picheyte next 3-saal 2019, 2020 aro 2021 nimitey top te thakisey.
Dwayne Johnson tu juwa saal tailaga film khan para bisi poisa kamaisey. Tai para famous star Ryan Reynolds aro Jerry Seinfeld khan ke bi haraidisey. Tai juwa saal ‘Red One’, ‘Moana 2’ aro dusra film khan para $88 million maan kamaisey.
Forbes 2024 list teRyan Reynolds tu $ 85 million earnings logotey number 2 te thakisey. Kevin Hart tu $81 million logotey number 3 te aro Jerry Seinfeld tu $60 million logotey top 4 te thakisey. Deadpool aro Wolverine actor Hugh Jackman tu $50 million logotey fifth te thakisey.
Dwayne Johson ke alhri bar ‘Red One; aro ‘Moana 2’ te dikhisiley. Taikey nest ‘A24’ film te dikhibole asey. Etu laga alava taikey Leonardo DiCaprio aro Emily Blunt logotey ‘The Smashing Machine’ film te bi dikhibole asey.
Add Comment