New Delhi, March 13, 2026: All India Football Federation (AIFF) laga former general secretary Kushal Das, kun dagor ekta role khele she 2017 FIFA U-17 World Cup organise kure bole India te, Friday te mure she.
Tai laga sal 66 thake she, aro tai ke duata mota bacha ase. Tai AIFF laga general secretary 12 sal karne kam kure she, aro 2022 laga sal te resign kure she gao thik natha karne. Tai 2010 laga sal te general secretary kure bule shuru kure she. Etu laga ahge te, tai International Cricket Council (ICC) aro International Management Group (IMG) India laga Chief Financial Officer thake she.
Das 2022 te resign kurea piche, Shaji Prabhakaran tai laga jaga te gushe she, AIFF laga secretary hesab. Shaji para koi she ki, Das toh Delhi laga ekta private hospital te para mure she. AIFF para tai murea laga condlence de bole ekta statement issue kure she.
Das laga shuru career te, tai beshe international organisations khan logo te kam kure she, tai PwC, GSK aro Shell neshe na khan logo te kam kure she. Tai 1996 te, IMG laga Chief Financial Officer laga kam pai she. Tai laga tenure te, India toh tin bar AFC Asian Cup tournaments karne qualify kure bole pare she. Aro 2017 te India para FIFA U-17 World Cup host kure bole pare first time karne.
Add Comment