Former Army Officer Gurmit Singh ke Uttarakhand Governor junishe

New Delhi: President Ram Nath Kovind para 5 states te Governors appointment thishe. Rashtrapati Bhavan para statement te koishe ke, President para Uttarakhand Governor Baby Rani Maurya laga resignation toh manishe aro tai laga successor toh Lieutenant-General Gurmit Singh ase koishe. Jowa moina Baby Rani Maurya para Governor office te thakai toh tin(3) saal hoishe aro tai resigned kora toh personal kam thakai nemite ase koishe. Ms Maurya para Uttarakhand Governor nemite  August 26, 2018 saal te oath loishe, etu samai tai toh Krishna Kant Paul laga charge loishe. Lt Gen Singh toh highly-decorated officer thakishe aro tai February 2016 saal te army para retired korishe. Tai laga four decades service te, tai toh besi tangor post thurikena thakishe aro etu oper te Deputy Chief of Army Staff, Adjutant General aro strategic XV Corps laga Corps Commander be thakishe. Tai para aro China operational & military strategic issues sai thakishe aro Military Operations samai director general thakishe. Tamil Nadu laga Governor Banwarilal Purohit para Punjab Governor laga extra charge be thurikena thakishe aro etu beche tai ke Punjab Governor appoint korishe. Centre’s interlocutor aro retired IPS officer RN Ravi toh Tamil Nadu laga notun Governor jaishe. Assam Governor, Prof. Jagdish Mukhi para “Assam Governor laga functions jarikena aro nejor kam toh arrangements kora beche jariboli ase,” koikena statement te janaishe. “etu appointments toh appoint kora darik para soruh hoikena nejor laga offices te charge loboli, statement te aro khobor toh junaishe.