April 19, 2021. Purana Assam Chief Minister & veteran Congress leader Bhumidhar Barman toh Sunday rati 6:20 pm Guwahati laga Dispur Hospital te morishe. Bhumidhar Barman mora samai 89 umer thakishe. Top Assam Congress leaders khan Guwahati, Dispur Hospital te ahiboli soruh hoishe. Bhumidhar Barman toh Guwahati-based Dispur Hospital te umer tangor bemari nemite elaj kori thakishe aro tai mora khobor hona beche manuh khan para mon dukh howa janaishe. Assam CM Sarbananda Sonowal para koishe ke, “Assam laga purana Chief Minister, Dr. Bhumidhar Barman mora khobor honikena besi mon dukh ase, tai laga mon dukh khobor toh ghor manuh aro sati-bhai khan logot janaishe ase.” Assam Minister Himanta Biswa Sarma para koishe, “aji Assam laga tangor politician, purana Chief Minister aro 7 paar MLA Late Bhumidhar Barman jaishe. Ami political soruh kora samai para tai laga kahani besi ase. Tai para kam bhal besi korikena ase, ami khan sob tai ke miss koribo.” Bhumidhar Barman para Chief Minister of Assam toh April 22 para May 14, 1996 saal dak thurishe, etu samai purana chief minister Hiteswar Saikia mora beche ase. Tai para aro 2010 saal te chief minister Tarun Gogoi US te surgery koriboli jaikena thaka samai acting chief minister be thurishe. Tai politics te samil thaka samai, Barman toh Assam Legislative Assembly te 7 paar kamyaab hoishe. Tai ke Assam Legislative Assembly te 1st samai 1967 saal te junishe. Barman para aro important portfolios neshina revenue aro health and family welfare te cabinet minister korikena ahishe. Veteran Assam Congress leader Bhumidhar Barman toh purana Assam CM Tarun Gogoi logot besi osor sathi thakishe. Bhumidhar Barman toh 1931 saal te jonok korishe aro tai 1951 saal te Tihu High School para matric passes hoishe.
Former Assam CM Bhumidhar Barman morishe
