New Delhi, 24 May : Former defender Birendra Lakra ke Indian junior men’s hockey team laga assistant coach hisab te appoint korisey, Junior World Cup karone prepare koribo nimite — itu khobor Saturday din Hockey India announce korisey.
35 saal laga Lakra, ekhon team te head coach thaka legendary goalkeeper PR Sreejesh logot miliki kaam koribo. Lakra upor bisi asha ase ki tai team laga defensive structure aru overall game temperament ke improve koribo paribo, karon Junior Men’s World Cup November 28 pora December 10 tak Chennai aru Madurai te hobo.
Lakra 2010 te India karone debut korisey, aru tai ekjon most consistent aru dependable defender hisab te uthi aaisey. Tai India ke represent korisey London 2012 aru Tokyo 2020 Olympic Games te, juntu te India ekta historic bronze medal jitise.
Tai laga ekta dangor career te, Lakra World Cup, Asian Games, Commonwealth Games aru onno bisi important tournament te India karone important role play korisey. Tai gold medal, silver aru bronze medals jitise bisi international level laga tournament te, aru India laga hockey success te ekta strong contributor thakise.
Add Comment