Former Haryana Minister Kamla Verma morishe

Yamunanagar, Haryana: Former Haryana minister & veteran BJP leader Kamla Verma toh private hospital ekta te COVID-19 bemar bhal howa beche mucormycosis bemar nemite elaj kori thaka toh Tuesday sam te morishe, etu samai tai laga umer toh 93 thakishe. Ms Verma’s laga halat toh ajanak beya hoikena Tuesday din 7:30 pm neshina te morishe, koikena tai elaj kori thaka hospital laga doctors para janaishe. Haryana Chief Minister Manohar Lal Khattar para former state health minister mora khobor honikena mon duhk howa janaishe. Tai laga organisational ability aro mon thikena kam kora te besi bhal government thakishe, “tai laga kam hesab te manuh nemite kam korikena jabo,” taii koishe. Haryana BJP president Om Prakash Dhankar para koishe ke, Ms Verma’s ajanak mora khobor honai nemite mon besi duhk hoishe. Tai para koishe ke, Kamla Verma toh Haryana unit pithor te tai 1^st president thakishe aro tai senior party leaders besi jun logot aro former Prime Minister Atal Bihari Vajpayee aro LK Advani logot kam korikena ahishe. “tai ajanak mora toh nejor nemite besi tangor nokson ase. Tai para organization nemite kam kora million kam kora manuh ke kushi korikena ase,” Mr Dhankar para janaishe. Etu oper te Kamla Verma toh 1977 saal Haryana’s Yamunanagar para MLA junishe aro etu beche tai toh aro 1977, 1987 aro 1996 saal te cabinet minister korishe.